പ്രണയം
------------------
കൊക്കുകള് തമ്മില് കുറുകിയുരുമി
കോര്ക്കുന്നു ഞാനെന്റെ പ്രണയം
------------------
കൊക്കുകള് തമ്മില് കുറുകിയുരുമി
കോര്ക്കുന്നു ഞാനെന്റെ പ്രണയം
വര്ണ്ണച്ചിറകുകള് പിന്നിയെടുത്തുനിന്
കണ്ഠത്തില് ചാര്ത്തുമെന് പ്രണയം
കണ്ഠത്തില് ചാര്ത്തുമെന് പ്രണയം
ചിക്കിയടുക്കുo തൂവല്തുമ്പിലിറ്റും
മധുവായ് നുകരുമെന് പ്രണയം
മധുവായ് നുകരുമെന് പ്രണയം
സ്നേഹസിന്ദൂരം വാരിവിതക്കുന്ന
നിഷ്കാമമാണെന്റെ പ്രണയം
നിഷ്കാമമാണെന്റെ പ്രണയം
വെട്ടിതിളങ്ങുന്ന കൗസ്തുഭമായ്
മാറ്റുരക്കുന്നെന്റെ പ്രണയം
മാറ്റുരക്കുന്നെന്റെ പ്രണയം
അനുരാഗമോതി ചുറ്റിത്തിരിയുo
രതി ക്രീഡയല്ലയെന് പ്രണയം
രതി ക്രീഡയല്ലയെന് പ്രണയം
ആശങ്കയില്ലാതനുഗ്രഹ സമ്പൂര്ണ്ണ
പൂരിത രുചിതമീ പ്രണയം
പൂരിത രുചിതമീ പ്രണയം
അത്തറുതൂകി അഭിഷേകം ചെയ്യുന്ന
അനുഭൂതിയാണെന്റെ പ്രണയം
അനുഭൂതിയാണെന്റെ പ്രണയം
ജ്വരച്ചിന്തയില്ലാതെ നിരാമയനാകുന്ന
കെടാവിളക്കാണെന്റെ പ്രണയം
കെടാവിളക്കാണെന്റെ പ്രണയം
ഒരുനാളും പങ്കിലമാകത്ത പവിത്ര-
വചനങ്ങളാകുമെന് പ്രണയം
വചനങ്ങളാകുമെന് പ്രണയം
പുണ്യാഹമായ് ശിരസ്സില് കുടയുന്ന
സ്നേഹവര്ഷമാണെന്റെ പ്രണയം
സ്നേഹവര്ഷമാണെന്റെ പ്രണയം
സര്വ്വവും വിഖ്യസത്യമെന്നോതുന്ന
ഉള്ളo തെളിക്കുമെന് പ്രണയം
ഉള്ളo തെളിക്കുമെന് പ്രണയം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ