''കേദാര കൌശേയം മൂടിപ്പുതച്ചു ഞാന്‍
ആകാശസീമയ്ക്കും അപ്പുറം മൂകമായ്
കാലങ്ങളായ് വൃതനിദ്രയില്‍ നിന്നിതാം
പ്രപഞ്ചപ്രതിഭാസമായ്‌ വെട്ടിതിളങ്ങട്ടോ;;

ഹൂസ്റ്റൺ: ചൊവ്വയിൽ ചുറ്റിക്കറങ്ങുന്ന അമേരിക്കൻ വാഹനമായ ക്യൂരിയോസിറ്റി അയച്ച ചിത്രത്തിൽ നിഗൂഡമായ പ്രകാശബിന്ദു കണ്ടെത്തി. അമേരിക്കൻ ബഹിരാകാശ ഗവേഷണ ഏജൻസിയായ നാസ ഇതുവരെ ഇതുസംബന്ധിച്ച് വിശദീകരണമൊന്നും നൽകിയിട്ടില്ല. പക്ഷേ പല തരത്തിലുള്ള അഭ്യൂഹങ്ങൾക്കിടയാക്കി ചിത്രം ഇന്രർനെറ്റിലൂടെ ക്ഷണനേരത്തിൽ ലോകമെങ്ങും വ്യാപിച്ചു.

നാസയുടെ ആസ്ഥാനമായ ഹൂസ്റ്റണിൽനിന്ന് പ്രസിദ്ധീകരിക്കുന്ന ഒരു പത്രമാണ് ഫോട്ടോ പ്രസിദ്ധീകരിച്ചത്. കിംബർലി എന്ന് ശാസ്‌ത്രജ്ഞർ പേരിട്ടിട്ടുള്ള മലയടിവാരത്തിൽ കുത്തനെ കാണുന്ന തരത്തിലാണ് ഈ പ്രകാശബിന്ദു. ഈ ബിന്ദുവിന്റെ താഴ്വശം പരന്നും മുകളിലേക്ക് കൂർത്തിട്ടുമാണ്. അന്യഗ്രഹ ജീവികളുടേതെന്ന് കരുതാവുന്ന ഒരു വാഹനം ഇന്ധനം നിറച്ചശേഷം ഉയർന്നതാകാം ഇതെന്ന് യു.എഫ്.ഒ സൈറ്റിംഗ്സ് ഡെയ്‌ലി എന്ന പ്രസിദ്ധീകരണം ചൂണ്ടിക്കാണിക്കുന്നു.

ക്യൂരിയോസിറ്റിയുടെ രണ്ടു 'കൈകളി'ൽ വലതുകൈയിലെ ക്യാമറയാണ് ചിത്രമെടുത്തിരിക്കുന്നത്. അതുകൊണ്ടുതന്നെ ഒരു കോ‌സ്‌മിക് രശ്മി പതിച്ചതാകാമെന്ന് ഒരു സംഘം ശാസ്ത്രജ്ഞർ വാദിക്കുന്നു. പക്ഷേ യു.എഫ്.ഒ സൈറ്റിംഗ്സ് ഡെയ്‌ലി ഈ വിലയിരുത്തലിനെ എതി‌ർക്കുന്നു