കൈലാസപൂജ (അവസാനഭാഗം)
തീര്ത്ഥടനത്തിനായെത്തുന്ന മേഘങ്ങള്
കീര്ത്തനാലാപത്തില്വാല്ഴ്ത്തി
തുമഞ്ഞുതുള്ളികള് തൂകിന്നിടംവലം
ചേലൊത്ത വെള്ളിപ്പളുങ്കിന്റെ മുത്തുകള്
ഈ വിശ്വമാകെയൊരോങ്കാരമന്ദിരം
ശ്രീമഹാദേവപ്രഭാമയ സുന്ദരം
തിങ്കള് കലാധര മൌലിയില് നിന്നു മാ
വിണ്ഗംഗ പിയൂഷനീരു വര്ഷിച്ചുവോ
കൈകളാല് തൊട്ടിടാനാശയുണ്ടെങ്കിലും
തെല്ലുo കളങ്കിതമാക്കുവാനില്ല ഞാന്
ആദിപ്രകൃതിതന് സര്ഗവെദഗ്ധ്യമേ
ആ മഹാവിസ്മയം കണ്ടു ഞാന് സ്തബ്ധനായ്
ദിങ്ങ്മണ്ടലത്തിനെ കാത്തു രക്ഷിച്ചീടും
സൃഷ്ടികര്ത്താവിനെന് ധന്യവാദാഞ്ജലി
കാലം നമിക്കുമീകാലാദിവര്ത്തിയാം
കൈലാസമാതൃമടിയില് കിടക്കവേ
വാക്കുകള്ക്കപ്പുറം വര്ണ്ണനാതീതമാം
വാത്സല്യദുഗ്ധം നുണഞ്ഞുറങ്ങട്ടെഞാന്
''ജന്മസാഫല്യ ചിദാനന്ദസിദ്ധിതന്
കമ്രകൈവല്യങ്ങള് കൈവരിച്ചീടുവാന്
നാമാക്ഷരിയുമുരുവിട്ടു കൈലാസ-
നാഥന്റെ ശ്രീപദമെത്തിനമിച്ചു ഞാന്''
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ