രതി മർമ്മരം
പ്രിയതരമാം കിളികൊഞ്ചലിനുള്ളിൽ
മധുരം നിറയുന്നൊരു മൃദു മന്ത്രണം
പൂവിതൾ പൊട്ടി വിരിഞ്ഞൊരാ ചുണ്ടിലോ
പ്രണയ പരാഗത്തിൻ രതി മർമ്മരം
വിടരാൻ വെമ്പലായ് കഞ്ചുകം മൂടി
നിഴലിച്ചു മെയ്യിൽ ഇരു നീർമാതളം
നീലിമ നെയ്താ കരിമഴിയ്ക്കുള്ളിലും
ധനുമാസ രാവിൻറെ തിരുവാതിര
അഴിഞ്ഞുടഞ്ഞാ കാർകൂന്തൽ സുഗന്ധമായ്
നൃത്തം ചവിട്ടി ത്രസിച്ചു നിതംബത്തിൽ
വിസ്മയിപ്പിച്ചൂ, വിരാജിച്ചു യൗവ്വനം
ഉന്മാദ ചന്ദ്രികാ പാലൊളി നിലാവിൽ
കാറ്റേറ്റു പെയ്യും തുലാവർഷം താരുണ്യ-
യൗവ്വനാംഗങ്ങളിൽ കുളിരായ് പടർന്നു
അനുരാഗ മോഹനാംഗിയെൻ പൊയ്കയിൽ
വിരിയാൻ കൊതിയുണരും നീലാംബുജം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ